काठमाडौँ– हल व्यवसायी तथा वितरकहरूको छाता संस्था नेपाल चलचित्र सङ्घले चलचित्रमा लगाइने गरेको विकास शुल्कलाई खारेज गर्नुपर्ने माग गरेको छ ।
सिनेमा हल सञ्चालकहरूले भ्याट बाहेक विभिन्न शीर्षकमा राज्यले लगाएका सबै कर समेत खारेज हुनुपर्ने माग राख्दै विरोध गर्ने जनाएका छन् ।
हल सञ्चालकहरूले चलचित्र विकास शुल्क, स्थानीय मनोरञ्जन कर, कर्पोरेट करलाई खारेज नै गर्नु पर्ने माग सहित यही २२ माघमा देशभरका सिनेमा हल बन्द गर्ने घोषणा गरेका छन् ।
हल व्यवसायी तथा वितरकहरूको छाता संस्था नेपाल चलचित्र सङ्घले मंगलबार एक विज्ञप्ति जारी गर्दै यी मूल्य अभिवृद्धि करबाहेक सबै कर खारेज गरिनु पर्ने माग गरेको हो ।
यी करहरूको विरोधमा देशभरका सिनेमा हलहरू एक दिन भए पनि बन्द गर्ने निर्णय गरिएका नेपाल चलचित्र सङ्घका महासचिव नरेन्द्र महर्जनले बताए ।
यी सबै करहरू अव्यवहारिक भएकाले पनि नयाँ हलहरू खुल्नुको साटो भएका सिनेमा हलहरू पनि बन्द भइरहेको महासचिव महर्जनले बताए ।
यस्तै नेपाल चलचित्र सङ्घका उपाध्यक्ष गोपालकाजी कायस्थले पनि सिनेमा हल बन्द गर्ने क्रमलाई आउँदा दिनमा पनि अघि बढाउने बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया