स्वास्थ्यमा सुधार भएपछि मिथुन चक्रवर्ती काममा फर्किए

काठमाडौं – स्वास्थ्यमा सुधार भएपछि दिग्गज अभिनेता मिथुन चक्रवर्ती काममा फर्किएका छन् । अस्पतालबाट डिस्चार्ज भएपछि घरमा आराम गरेका अभिनेताले स्वास्थ्यमा सुधार भएपछि चलचित्र शास्त्रीको छायाङ्कन पुनः सुरु गरेका छन् ।

फिल्म निर्माता मधुर भण्डारकर मिथुनलाई भेट्न फिल्मको सेटमै पुगेका थिए । मधुरले सेयर गरेको भिडियोमा मिथुन निकै स्वस्थ देखिएका छन् ।

मधुर भण्डारकरले मिथुन चक्रवर्तीसँग केही तस्बिर सेयर गर्दै हृदय छुने क्याप्शन पनि दिएका छन् । मधुर भण्डारकरले लेखेका छन्, ‘मैले कोलकातामा मिथुन चक्रवर्तीलाई भेटेँ । उनलाई सेटमा देखेर निकै खुसी छिन्, उनको स्वास्थ्य राम्रो छ । मिथुनसँगको मेरो सम्बन्ध किशोरावस्थादेखिको हो, जब म भिडियो क्यासेटहरू वितरण गर्थें। उहाँ सधैं साहस र प्रेरणाको स्रोत हुनुहुन्छ।

फेब्रुअरी १० को बिहान छाती दुख्न थालेपछि उनलाई कोलताकाको एपोलो अस्पतालमा भर्ना गरिएको थियो । डाक्टरहरूले जारी गरेको स्वास्थ्य अपडेटमा अभिनेतालाई ब्रेन स्ट्रोक ‘इस्केमिक सेरेब्रोभास्कुलर एक्सिडेन्ट’ भएको बतायएको थियो । स्वास्थ्यमा सुधार आएपछि उनलाई गत फेब्रुअरी १३ गते अस्पतालबाट डिस्चार्ज गरियो ।