काठमाडौँ– नेपालस्थित अमेरिकी राजदूतावासको सहकार्यमा विराटनगरमा बुधवार हिपहप मेला सम्पन्न भएको छ । अमेरिकी र नेपाली हिप-हप कलाकारहरूले उक्त मेलामा आफ्नो कला देखाए ।
अमेरिकी राजदूतावासले सामाजिक सञ्जालमार्फत यसबारेमा जानकारी दिएको हो । दूतावासका अनुसार हिप हप संस्कृति र सामाजिक परिवर्तन र अल्पसंख्यक अधिकार सक्रियताका लागि एक शक्तिशाली माध्यमको रूपमा मनाउन यो कार्यक्रमको आयोजना गरिएको हो ।
कन्सर्टमा अमेरिकी हिप हप स्टारहरू र नेपाली र्यापर, डान्सरले आफ्नो प्रस्तुति दिएका थिए ।
अमेरिकी र नेपाली हिप-हप संस्कृति बीचको यो एकीकरणले कलाकारहरूका लागि विभिन्न प्रविधि र शैलीहरू प्रयोग गरेर रचनात्मक विचारहरू साझा र सुधार गर्न ठाउँ सिर्जना गरेको दूतावासले जनाएको छ ।
कन्सर्टमा नेपाल हिपहप फाउन्डेसन, व्योमा, फेथम, डी ग्यालेक्सी क्रु, एमसी ग्रोभी र कालुमान, ईस्ट रेन्जर्स क्रू, डीजे एबल ‘सोनु’, अमाजुमी, परी, डीजे फ्लेग, शान्ना लिम, माजी मुताफा लगायतको सहभागिता रहेको थियो ।
यो खबर पढेर तपाईलाई कस्तो महसुस भयो ?
प्रतिक्रिया