काठमाडौँ – बलिउड अभिनेता सलमान खानका बहिनी ज्वाइँ आयुष शर्मामाथि मुम्बई प्रहरीले सुरक्षा बढाएको छ । आफ्नो आगामी फिल्म ‘रुसलान’मा व्यस्त रहेका शर्मालाई विशेष सुरक्षा दिइएको छ ।
प्रहरीले शर्मालाई सार्वजनिक कार्यक्रममा निस्कँदी सलमानको ‘बुलेट प्रुफ’ गाडीमा निस्कन सचेत गराएको छ । यस्ता कार्यक्रममा उनको अघि–पछि अब प्रहरी रहने बताइएको छ ।
हुन त सलमानलाई पनि पटक–पटक ज्यान मार्ने धम्की आएपछि मुम्बई प्रहरीले ‘वाई प्लस’ सुरक्षा दिँदै आएको छ । अहिले सुरक्षा चुनौती बढेको भन्दै उनको परिवारको सुरक्षामा पनि प्रहरीले थप कडाइ गरेको हो ।
ग्याङस्टार लरेन्स बिश्नोइबाट ज्यान मार्ने धम्की आएका कारण प्रहरीले खान परिवारको सुरक्षा बढाएको हो ।
सन् २०२२ को नोभेम्बरमा बिश्नोइबाट सलमानको ज्यान मार्ने धम्की आएको थियो । सोही कारण सुरक्षाका लागि उनलाई हतियार राख्न अनुमतिसमेत दिइएको थियो ।
यो खबर पढेर तपाईलाई कस्तो महसुस भयो ?
प्रतिक्रिया