‘दंगल’ की बालकलाकार सुहानीको निधन

काठमाडौं- आमिर खानको ‘दंगल’ मा बाल कलाकारको भूमिका निभाएकी अभिनेत्री सुहानी भटनागरको १९ वर्षको उमेरमा निधन भएको छ । सुहानीको केही दिनदेखि फरिदाबादमा उपचार भइरहेको थियो ।

केही दिनअघि मात्रै उनको खुट्टा भाँचिएको थियो । उपचारका लागि लिइरहेको औषधिको प्रतिक्रियाका कारण सुहानीको पूरै शरीर पानीले भरिएको थियो ।

यसै कारण उनको मृत्यु भएको हो । सुहानीको सेक्टर १५ फरिदाबादस्थित अजरौंडा श्मशान स्थलमा अन्तिम संस्कार गरिने भारतीय सञ्चार माध्यमले जनाएका छन् ।