काठमाडौँ– कालिकास्थानस्थित सर्वनाम थिएटरमा मञ्चन गरिएको नाटकमा पर्खिनेहरुको पीडालाई प्रस्तुत गरिएको छ ।
माघ २७ गतेदेखि फागुन ५ गतेसम्म मञ्चन हुने नाटकको लेखन नरेन भट्टराई र परिकल्पना तथा निर्देशन कृष्ण खड्काले गरेका छन् । नाटकमा विशेषतः शिक्षा होस् या रोजगारीकै सिलसिलामा बाह्य देशमा जाने र यता पर्खेर बस्नेहरुको कथालाई समावेश गरिएको निर्देशक खड्काले बताए ।
‘हाम्रोमा विदेशमा जाने क्रम धेरै छ । उता गएपछि जानेलाई राम्रो होला या कमाउला भन्ने हाम्रो सोचाइ हुन्छ, ‘उनले भने,‘यता पर्खेर बस्ने परिवारलाई पनि निकै पीडा हुन्छ ।
त्यसैलाई नाटकमा देखाएका छौं ।’
नाटकमा लेखक भट्टराईसँगै मुकेश हमाल, शोभा कार्की, धिरज थापामगर, सुरज पराजुली लगायतका कलाकाहरुले अभिनय गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया