काठमाडौँ– कलामा मानवीय संवेदना चिन्तनलाई खोतलेर कला प्रदर्शनी सुरु गरिएको छ ।
ठमेलस्थित ‘किसिमाका’ आर्ट ग्यालरीमा शनिबारदेखि सुरु गरिएको प्रदर्शनीमा सुनिल रञ्जित र फ्रान्सेली कलाकार भिन्सेन्ट ग्रेबीले सिर्जना गरेका कलाकृतिहरु प्रदर्शन गरिएका छन् ।
प्रदर्शित रञ्जितका कलाहरुमा रंगकै माध्यममा उज्याला किरण र मानवीय चिन्तन, भाव र विविध आयामहरुलाई समेटिएका छन् । उनका अनुसार रंगका विविध आयामहरु नै जीवनको चिन्तन हो ।
उनी आफ्नो कलामा आम कलाप्रेमीले जीवनको दर्शन खोजुन् भन्ने चाहन्छन् । त्यस्तै ग्रेबीका कलामा फूलको बिम्बमा मानिसका स्वभाव र उत्सवहरु रंगिएका छन् ।
प्रदर्शनी मार्चको अन्तिम सातासम्म जारी रहनेछ ।
यो खबर पढेर तपाईलाई कस्तो महसुस भयो ?
प्रतिक्रिया