मनाइयो सोनाम ल्होसार

काठमाडौं- तामाङ समुदायले आज सोनाम ल्होसार मनाएका छन् । प्रत्येक वर्ष माघ शुक्ल प्रतिपदाका दिन विभिन्न कार्यक्रम गरी मनाइने सोनाम ल्होसारलाई तामाङ समुदायले नयाँ वर्षका रुपमा मनाउँदै आएका छन् ।

मञ्जुश्री स्रवत् अनुसार आजबाट २८६० साल शुरु भएको छ । आज विरालो वर्षलाई विदा गरेर ड्रागन वर्षलाई स्वागत गरिँदै छ ।  ल्होसार १२ जीवजन्तुका नामबाट ल्हो खोर्लो अर्थात् वर्ष चक्रका आधारमा हरेक वर्ष पुरानो वर्षलाई बिदाइ र नयाँ वर्षलाई स्वागत गरी धार्मिक र सांस्कृतिक विधिअनुसार मनाइन्छ ।

मुसा, गाई, बाघ, खरायो, ड्रागन , सर्प, घोडा, भेडा, बाँदर, चरा, कुकुर र सुँगुर ल्होसारमा १२ वटा जीवजन्तुका नामबाट पुरानो वर्षलाई बिदाइ र नयाँ वर्षलाई स्वागत गरी धार्मिक र सांस्कृतिक विधिअनुसार यो पर्व मनाउने गरिन्छ ।

भूमिपूजा, कूलपूजा एवं दानदक्षिणा, ढोगभेट, नाचगान, मिठो परिकार बनाएर खाने र शुभकामना आदानप्रदान गरी यो पर्व मनाउने परम्परा छ ।