फुटबलमा ‘निलो कार्ड’ परीक्षण गरिँदै, पाए के हुन्छ ?

काठमाडौं- विश्व फुटबल महासंघ फिफाले निलो कार्डको प्रयोगबारे तयारी थालेको छ । फिफाको आगामी साधारणसभामा निलो कार्डको प्रयोगबारे छलफल हुन लागेको अन्तर्राष्ट्रिय सञ्चार माध्यमले जनाएका छन् । आगमी मार्च १ मा फिफाको साधारणसभा डाकिएको छ ।

फुटबलमा हाल पहेँलो र रातो कार्ड प्रचलनमा छ । सामान्य रुपमा खेलको नियम उल्लङ्घन गर्नेलाई चेतावनीस्वरुप पहेँलो कार्ड दिने गरिएको छ भने गम्भीर उल्लङ्घन गर्नेलाई रातो कार्ड दिइन्छ ।

रातो कार्ड पाएका खेलाडीले मैदान छाडेर जानुपर्ने प्रावधान छ । कुनै खेलाडीले खेलका क्रममा नियमको उल्लङ्घन गरेमा १० मिनेटका लागि मैदानबाहिर पठाउन सक्नेगरी निलो कार्ड प्रचलनमा ल्याउन लागिएको हो ।

टेलिग्राफले अब निलो कार्डको परीक्षण चाँडै नै सुरु हुन लागेको जनाएको छ ।