काठमाडौँ – दक्षिण भारतीय सुपरस्टार रामचरण बलिउड फिल्ममा पनि देखिने भएका छन् ।
‘आरआरआर’ जस्तो पेन इन्डिया फिल्मबाट चर्चा कमाएका उनले सन्जय लीला भन्सालीको फिल्ममार्फत बलिउड डेब्यु गर्न लागेका हुन् ।
कुन फिल्म हो र उनले काम गर्ने पक्का भएको हो ? जस्ता विषय प्रष्ट नभए पनि बलिउडको ठूलो प्रोजेक्टकै लागि रामचरणसंग कुराकानी भइरहेको भारतीय मिडियाहरूको दाबी छ ।
यद्यपि यो फिल्म ‘द लिजेन्ड अफ सुहेलदेव’ पुस्तकमा आधारित हुने बताईएको छ । जसको लेखक अमीश हुन । सो फिल्ममा रामचरणले सुहेलदेव बरहज नामको राजपूत योद्धाको भूमिका निभाउने छन् ।
रिपोर्टहरूका अनुसार यो फिल्मको केही समयमै औपचारिक घोषणा गर्ने तयारीमा निर्माताहरू छन् ।
यो खबर पढेर तपाईलाई कस्तो महसुस भयो ?
प्रतिक्रिया