यो ‘भ्यालेन्टाइन डे’ मा आकर्षक र सुन्दर देखिन अपनाउनुहोस् यस्ता मेकअप टिप्स

काठमाडौँ– भ्यालेन्टाइन सप्ताह हिजोदेखि सुरु भइसकेको छ । हरेक युवायुवतीमा प्रेमको यो मौसमले छोइसकेको छ । यस सन्दर्भमा आज हामी तपाइलाई यो भ्यालेन्टाइन डेमा विशेष देखिनका लागि अपनाउनुपर्ने मेकअप टिप्स बताउँदै छौ । 

ब्युटी मेकअप विज्ञहरूका अनुसार मेकअपको पहिलो स्टेप प्राइमर हो । पहिले प्राइमर लगाउँदा मेकअप लामो समयसम्म छालामा रहन्छ । 

त्यसपछि अनुहारमा हल्का फाउन्डेसन लगाउनुपर्छ । तर धेरै गाढा फाउन्डेसन लगाउनु हुँदैन। यदि अनुहारमा कालो घेरा, पिम्पल वा फाइन लाइनहरू छन् भने, हल्का कन्सिलरको पनि प्रयोग गर्न सकिन्छ । 

फाउन्डेसन र कन्सिलर लगाएपछि मेकअप सेट गर्न कम्प्याक्ट पाउडर लगाउनुपर्छ । योसँगै तपाइले आँखालाई पनि सुन्दर बनाउन जरुरी हुन्छ, जसको लागि आइलाइनर र मस्कारा लगाउन सक्नुहुन्छ । तपाइले काजल पनि लगाउन सक्नुहुन्छ ।

योसँगै तपाई पोशाकसँग मिल्ने हल्का वा नग्न लिपस्टिक पनि लगाउन सक्नुहुन्छ । यदि तपाईँ चाहनुभयो भने, तपाई लिप बाम पनि प्रयोग गर्न सक्नुहुन्छ । 

यस्तै तपाइलाई कपालको स्टाइलले पनि सुन्दरता बढाउन भूमिका खेल्छ, त्यस कारण तपाईँले आफ्नो कपालमा पनि ध्यान दिनुपर्छ । 

यदि तपाई मेकअपबिना नै प्राकृतिक रूपमा नै राम्रो र सरल देखिन चाहनुहुन्छ भने केही प्राकृतिक उपाय पनि अपनाउन सक्नुहुन्छ । 

प्राकृतिक रूपमा छालालाई चम्किलो बनाउन चुकंदर, टमाटर र गाजरको जुस पिउन सकिन्छ ।  काँक्रो पनि छालाको लागि पनि फाइदाजनक हुन्छ । यसबाहेक सुन्तलाको बोक्रासँगै भिटामिन ई र गुलाबजल पनि प्रयोग गर्न स्किन्छ । 

जाडोको कारण तपाईँको छाला सुख्खा भएको छ भने कफी, दूध र महको समेत प्रयोग गर्न सकिन्छ, यसले छालामा सुख्खापन कम गरी अनुहारको चमक पनि बढाउँछ ।