हाइड्रोजनबाट चल्ने यामाहाको कन्सेप्ट भेहिकल सार्वजनिक

काठमाडौं– यामाहाले हाइड्रोजनबाट चल्ने कन्सेप्ट भेहिकल सार्वजनिक गरेको छ । यामाहाले सार्वजनिक गरेको उक्त कन्सेप्ट भेहिकललाई ‘ड्राइभ एच २’ नाम दिइएको छ । अमेरिकाको फ्लोरिडामा आयोजित २०२४ पीजीए शोमा ड्राइभ एच २ सार्वजनिक गरिएको हो ।

यामाहाले सार्वजनिक गरेको उक्त कारमा दुईओटा हाइड्रोजन ट्याङ्क रहेको छ । प्रत्येक ट्याङ्कमा २५ लिटरसम्म हाइड्रोजन भण्डारण गर्न सक्ने अन्तर्राष्ट्रिय सञ्चार माध्यमले जनाएका छन् ।

यसअघि सन् २०२२ को जनवरीमा यामाहाले मा हाइड्रोजन इन्जिन विकास गर्नका लागि अर्को मोटर निर्माता कम्पनी कावासाकीसँग साझेदारीको घोषणा गरेको थियो । त्यसपछि यामाहाले अर्को मोटर निर्माता टोयोटासँग पनि हाइड्रोजन इन्जिनका लागि सहकार्य गरेको थियो ।