काठमाडौं- जल तथा मौसम विज्ञान विभागले नेपालमा पश्चिमी वायुको आंशिक प्रभाव रहेको जनाएको छ ।
मौसम पूर्वानुमान महाशाखाका अनुसार अहिले देशका पहाडी भूभागमा आंशिकदेखि साधारणतया बदली रही बाँकी भूभागमा मौसम सफा छ ।
लुम्बिनी र बागमती प्रदेशका तराईका केही स्थान तथा मधेश र कोशी प्रदेशका तराई क्षेत्रमा हुस्सु र कुहिरो लागेको छ ।
आज दिउँसो गण्डकी, कर्णाली र सुदूरपश्चिम प्रदेशलगायत देशका पहाडी भूभागमा साधारणतया बदली रही बाँकी भूभागमा मौसम सफा रहने महाशाखाले जनाएको छ ।
तराईमा बिहानीपख हुस्सु र कुहिरो लाग्ने हुँदा दैनिक जनजीवनका साथै यातायात तथा हवाई सेवामा प्रभाव पर्न सक्ने भएकाले त्यसबाट हुने असरका साथै चिसोबाट बच्न महाशाखाको अनुरोध छ ।
यो खबर पढेर तपाईलाई कस्तो महसुस भयो ?
प्रतिक्रिया