दयाहाङ र दीया अभिनित फिल्म ‘दयारानी’को ट्रेलर सार्वजनिक

काठमाडौं । अभिनेता दयाहाङ राई र अभिनेत्री दीया पुन अभिनित फिल्म ‘दयारानी’को ट्रेलर सार्वजनिक भएको छ । माओत्से गुरुङको डेब्यू निर्देशन रहेको फिल्म माघ २६ गतेबाट सार्वजनिक प्रदर्शनमा आउँदैछ ।

बाँसुरी फिल्मस् र माओत्से फिल्मस्को ब्यानरमा निर्माण भएको फिल्मलाई शैलेन्द्र ध्वज कार्कीले खिचेका हुन् । फिल्ममा दयाहाङ र दीयाका अलावा विजय बराल, प्रमिसा गुरुङ, पुस्कर गुरुङ, टिकाराम घले, शिरिषा कुँवर, नयन गुरुङ, सुर्य सुनार, राजेन्द्र थापा, सीतादेवी गुरुङ र क्रिष्टी गुरुङ लगायतका कलाकारको अभिनय छ ।

झण्डै २ मिनेट ३५ सेकेण्ड लामो ट्रेलरमा दयाहाङले आफू बाबु बन्न नसक्ने तथ्य लुकाएपछि उनकी श्रीमती र परिवारले उनको दोश्रो विवाह गर्ने कुरा गरेपछिको उत्पन्न परिस्थितिलाई ट्रेलरमा प्रस्तुत गरिएको छ ।