काठमाडौँ-गायिका मेनुका पौडेलले एकपछि अर्को सफलता हात पारिरहेकी छन् ।
भारतीय गायन रियालिटी शो इन्डियन आइडलमा उनी उत्कृष्ट १० मा परेकोपछि मेनुका पौडेललाई आर्टिफिसियल इन्टिलिजेन्स (एआई) जडित स्मार्ट भिजन चस्मा उपहार दिइएको छ ।
‘गिफ्ट अफ साइट’का रूपमा मेनुकालाई भारतीय नेत्र चिकित्सक डाक्टर नितिन देधियाले स्मार्ट भिजन ग्लास उपलब्ध गराएका हुन् ।
यो (Smart Vision Sensor Glasses powered by Artificial Intelligence -AI) अर्थात एआई जडित विशेष चस्मा हो ।
यो चस्मा लगाएपछि मेनुकाले रियाज गर्न, पढ्न, हिँडेर कतै जान, नजिक भएको मान्छे वा वस्तु पहिचान गर्न सक्ने डाक्टरहरूले बताएका छन् ।
आइतबार प्रसारित इण्डियन आइडलको एपिसोडमा मेनुकाले सो चस्मा लगाएर डेमो प्रदर्शन समेत गरेकी थिइन् ।
यसअघि एक डाक्टरले मेनुकाको आँखा परीक्षण गर्दा उनको अप्टिक नर्भ सुख्खा भएकाले दृष्टि फिर्ता गर्न नसकिने बताएका थिए ।
यो खबर पढेर तपाईलाई कस्तो महसुस भयो ?
प्रतिक्रिया