अफ्रिका कप अफ नेसन्स : कंगो क्वाटरफाइनल प्रवेश

काठमाडौँ – इजिप्टलाई हराँउदै कंगो अफ्रिका कप अफ नेसन्सकाे क्वाटरफाईनल प्रवेश गरेको छ ।

गोलरक्षक लियोनल एमपासीले १८ औँ पेनाल्टी गरेको गोलको मद्दतले कङ्गोले आइतबार इजिप्टलाई टाइब्रेकरमा ८–७ ले पराजित गर्दै अफ्रिका कप अफ नेसन्सको क्वाटरफाइनल प्रवेश गरेको हो  । गिनी पनि अन्तिम आठमा पुग्ने अर्को टिम बनेको छ ।

इजिप्ट बाहिरिनु प्रतियोगिताको अर्को स्तब्ध पूर्ण नतिजा रह्यो । कङ्गोले यसअघि निर्धारित र अतिरिक्त समयको खेलमा सात पल्टको अफ्रिकी च्याम्पियन इजिप्टलाई १–१ को बराबरीमा रोकेको थियो ।

गिनीले भने इक्वेटोरियल गिनीलाई अतिरिक्त समयको खेलपछि १–० ले हराएको हो । त्यसमा मोहम्मद बायोले खेलको ९८ औँ मिनेटमा निर्णायक गोल गरे ।