काठमाडौँ – काठमाडौँको आज तापक्रम यो वर्षकै न्यून मापन गरिएको छ । बिहान साढे ६ बजे काठमाडौँको तापक्रम २ डिग्री मापन गरिएको छ । जुन यो वर्षकै सबैभन्दा धेरै चिसो हो ।
शुक्रबार काठमाडौँको अधिकतम तापक्रम १७ दशमलव ५ डिग्री पुग्दा न्यूनतम तापक्रम भने ३ डिग्रीमा झरेको थियो ।
मौसमविद् मीनकुमार अर्यालका अनुसार तापक्रम घट्दो क्रममा रहेकाले केही दिन चिसो बढ्ने छ। काठमाडौँ उपत्यकामा तत्काल पानी पर्ने सम्भावना भने नदेखिएको उनले बताए ।
आज जिरीको अधिकतम तापक्रम १२ दशमलव ८ डिग्री पुग्दा मिनिमम तापक्रम माइनस १ दशमलव ६ डिग्री सेल्सियसमा झरेको छ ।
जोमसोमको न्यूनतम तापक्रम पनि माइनस ५ दशमलव ५ डिग्री रहेको छ । डडेलधुराको तापक्रम पनि २ दशमलव १ डिग्रीमा झरेको छ ।
यो खबर पढेर तपाईलाई कस्तो महसुस भयो ?
प्रतिक्रिया