आजको मौसम : तीन प्रदेशमा हिमपातको सम्भावना

काठमाडौँ – मौसम पूर्वानुमान महाशाखाका अनुसार आज देशका पहाडी भूभागमा आंशिक बदली रही र बाँकी भू– भागमा मौसम सामान्यतया सफा रहनेछ।हाल नेपालमा पश्चिमी वायुको सामान्य प्रभाव रहेको छ ।

यसैको प्रभाव कोशी, बागमती र गण्डकी प्रदेशका उच्च पहाडी तथा हिमाली भू–भागको थोरै स्थानहरूमा हल्का हिमपातको सम्भावना रहेको छ ।

त्यस्तै तराईका भू–भागमा बिहानीपख हुस्सु र कुहिरोको कारण हुन सक्ने चिसोबाट बच्न आवश्यक उपायहरू तथा सतर्कता अपनाउन महाशाखाको अनुरोध छ ।

आज राती पनि देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहनेछ। कोशी र गण्डकी प्रदेशको उच्च पहाडी तथा हिमाली भू– भागको एक दुई स्थानमा हल्का हिमपातको सम्भावना रहेको छ ।