काठमाडौं । साउथका मेगा स्टार चिरञ्जीवीलाई पद्मविभूषणबाट सम्मानित गरिने भएको छ । मेगास्टार चिरञ्जीवीलाई उनको सामाजिक कार्यका लागि पद्मविभूषणबाट सम्मानित गरिने बताइएको हाे ।
चिरञ्जीवी यसअघि पद्मभूषणबाट सम्मानित भइसकेका छन् भने अन्य धेरै पुरस्कार पनि जितिसकेका छन् । चिरञ्जीवीले अक्सिजन बैंक, एम्बुलेन्स सेवा सुरु गरे र कोरोनामा चिकित्सा सुविधा उपलब्ध गरेकाले उनलाई पद्मविभूषणबाट सम्मानित गरिने भएकाे बताइएकाे छ ।
देशको सर्वोच्च नागरिक पुरस्कार मध्येको एक पद्म पुरस्कार पद्मविभूषण, पद्मभूषण र पद्मश्री गरी तीन विधामा प्रदान गरिन्छ। यी पुरस्कारहरू कला, सामाजिक कार्य, सार्वजनिक मामिला, विज्ञान र इन्जिनियरिङ, व्यापार र उद्योग, चिकित्सा, साहित्य र शिक्षा, खेलकुद, निजामती सेवा आदि क्षेत्रमा प्रदान गरिन्छ। २०२४ को पद्म पुरस्कार घोषणा गरिएको छ ।
चार दशक लामो करियरमा चिरञ्जीवीले १५० भन्दा बढी चलचित्रमा काम गरेका छन् । फिल्मका अलावा उनी समाजसेवाका साथै परोपकारी काम पनि गर्छन् । अब कलाकारलाई कला क्षेत्रमा पद्मविभूषण पुरस्कार दिइने भएको छ ।
चिरञ्जीवीले सधैं आफ्ना फिल्महरूबाट दर्शकहरूलाई मनोरञ्जन दिएका छन्। यससँगै अभिनेताका फिल्ममा केही सामाजिक उद्देश्य पनि लुकेको हुन्छ ।
यो खबर पढेर तपाईलाई कस्तो महसुस भयो ?
प्रतिक्रिया