काठमाडौं- चन्द्रमामा सफल अवतरण भएको अन्तरिक्षयानसँगको सम्पर्क विच्छेद भएको जापानी अन्तरिक्ष केन्द्रले जनाएको छ । सौर्यऊर्जामा समस्या आएपछि अन्तरिक्षयानसँगको सम्पर्क विच्छेद भएको हो ।
उक्त यान चन्द्रमाको सतहमा शनिबार अवतरण भएको थियो । अवतरण भएको तीन घण्टामै उक्त यान बन्द भएको थियो ।
यानमा जडित सोलार प्यानलमा खराबी देखिएको र सोही कारण यसको ब्याट्री चार्ज हुन नपाएको बताइएको छ । यद्यपि सूर्यको प्रकाश निदाएको सही ठाउँमा परे निदाएको यानलाई जगाउन सकिने अपेक्षा गरिएको छ ।
इन्जिनियरहरुका अनुसार यो यानमा जडित सोलार प्यानलहरु पश्चिमतर्फ फर्किएका थिए, जुन सूर्यको प्रकाश आएको दिशाबाट विपरीत हो । त्यसैले सौर्यऊर्जा उत्पादन हुन सकेन र ब्याट्रीको चार्ज सकिएपछि यान बन्द भयो ।
यो खबर पढेर तपाईलाई कस्तो महसुस भयो ?
प्रतिक्रिया