काठमाडौँ— एप्पलले आफ्नो आईफोन १६ प्रो र १६ प्रो म्याक्समा नयाँ क्याप्चर बटन ल्याउने चर्चा चलेको छ ।
अन्तर्राष्ट्रिय सञ्चार माध्यमहरूका अनुसार एप्पलले बेसलाइन आईफोन १६ र आईफोन १६ प्लस सहित सम्पूर्ण आईफोन १६ रेञ्जमा क्याप्चर बटन परीक्षण गरिरहेको छ ।
यसको अतिरिक्त फङ्गसन्सको बारेमा पनि केही थप विवरणहरू प्राप्त भएको जीएसएमएरिनाले उल्लेख गरेको छ ।
क्याप्चर बटन नयाँ आईफोन १६ डिभाइसको लोअर राइट–ह्याण्ड साइडमा अवस्थित एक फिजिकल बटन हुनेछ ।
जसले इन्सट्यान्ट इमेज क्याप्चर र भिडियो रेकर्डिङको लागि काम गर्ने बताइएको छ ।
त्यसका साथै नयाँ विवरणहरूका अनुसार यसले फोकस गर्नका लागि हाफ–प्रेस र तस्बिर खिच्न वा भिडियो रेकर्डिङ सेसन सुरु गर्नलाई फूल–प्रेस अफर गर्ने पनि जनाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया