आज राम जन्मभूमि अयोध्यामा राम मन्दिर उद्घाटन र मूर्तिको प्राण प्रतिष्ठा हुँदै छ । निकै चर्चामा रहेको यो समारोहमा को को उपस्थित रहन्छन भन्ने चासो व्याप्त छ ।
७ हजार बढी भिभिआइपीलाई निमन्त्रणा गरिएको यो समारोहमा कुन कुन बलिउड ‘स्टार’ सहभागी हुँदै छन् त ?
रणबीर कपूर र आलिया भट्ट :
रणबीर कपूर र आलिया भट्ट अयोध्याका लागि निस्किएका छन् । यी दुई बलिउड स्टारलाई समारोहमा सहभागी हुने निमन्त्रणा छ ।
जहाँ रणबीर धोती कुर्तामा र आलिया सारीमा देखिएकी छिन् । उनीहरुसंगै रोहित शेट्टी पनि देखिएका छन्
अभिताभ बच्चन
बलिउडमा ‘बिग बी’को उपनामले समेत परिचित अमिताभ बच्चन पनि अयोध्या जाँदैछन् । उनलाई विहान मुम्बई एयरपोर्टमा देखिएको थियो । उनीसँगै अभिषेक बच्चन पनि थिए ।
कैटरीना कैफ र विक्की कौशल
अभिनेत्री कैटरिना कैफ र अभिनेता विक्की कौशलको जोडी पनि अयोध्याका लागि निस्किएको छ । उनीहरूलाई एयरपोर्टमा देखिएको थियो ।
यसका साथै माधुरी दीक्षित पनि पती श्रीराम नेनेका साथमा प्राण प्रतिष्ठा समारोहमा सहभागी हुन अयोध्या गएकी छिन् ।
उनका अलावा रामानन्द सागरको धारावाहिक ‘रामायण’ मा श्रीराम,सीता र लक्ष्मणको रोल गरेका अरुण गोविल,दीपिका चिखलिया र सुनिल लहरी पनि अयोध्या मै छन् । उनीहरू पनि समारोहमा सहभागी हुने छन् ।
त्यस्तै कंगना रनौत आइतबार नै अयोध्या पुगेकी छिन् । त्यस्तै दक्षिण भारतीय कलाकारहरु पनि अयोध्या पुगेका छन् । जसमा रजनीकान्तको नाम समेत सामेल हुदाँ अन्य गायक गायिका समेत पुगेका छन् ।
जसले केही दिन अघिबाटै साङ्गीतिक प्रस्तुति दिएका खबरहरूले भारतीय मिडिया भरिदा अयोध्या कलाकारमय भएको छ ।
यो खबर पढेर तपाईलाई कस्तो महसुस भयो ?
प्रतिक्रिया