काठमाडौँ— दक्षिण कोरियाली स्मार्टफोन निर्माता कम्पनी सामसङले हालै लन्च गरेको स्मार्टफोनको नयाँ शृङ्खला भारतमा समेत उत्पादन हुने भएको छ ।
कम्पनीले सामसङ एस २४ सिरिजको उत्पादन भारतको उत्तर प्रदेश राज्य स्थित नोएडाको कारखानामा उत्पादन गरिने घोषणा गरेको छ ।
गत हप्ता मात्रै सामसङले ग्यालेक्सी एस २४ सिरिज लन्च गरेको थियो ।
यस शृङ्खलामा ग्यालेक्सी एस २४, ग्यालेक्सी एस २४ प्लस र ग्यालेक्सी एस २४ अल्ट्रा समावेश छ ।
सामसङको भारत इकाईका अध्यक्ष तथा सीईओ जेबी पार्कले यसअघि नै ग्यालेक्सी एस २४ सिरिज भारतमै उत्पादन हुने बताएका थिए ।
गत वर्ष लन्च गरिएको सामसङ ग्यालेक्सी एस २३ सिरिज पनि भारतको नोयडास्थित यहीँ कारखानामा निर्माण गरिएको थियो ।
यसैबिच अमेरिकी प्रविधि कम्पनी गुगलले पनि चाँडै नै आफ्नो फ्ल्यागशिप पिक्सेल ८ स्मार्टफोन भारतमै निर्माण गर्ने तयारी गरिरहेको छ ।
सामसङले नेपाली बजारमा पनि आफ्नो नयाँ फ्ल्यागशिप स्मार्टफोन ग्यालेक्सी एस २४ सिरिजको प्रि बुकिङ्ग सुरु गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया