काठमाडौँ— एन्ड्रोइड प्रयोगकर्ताले पनि अबदेखि एक्समा अडिओ तथा भिडिओ कल फिचर सेवा लिन पाउने भएका छन् ।
एक्सका डेभलपर मध्येका एक एन्रिक बार्रागानका अनुसार गत शुक्रबारदेखि यो फिचर उपलब्ध भएको हो ।
एन्ड्रोइड प्रयोगकर्ताले एक्सको कल फिचर प्रयोग गर्न सबैभन्दा पहिले एप अपडेट गर्नुपर्छ ।
सम्पूर्ण फिचर प्रयोग गर्न भने सशुल्क एक्स प्रयोग गर्नुपर्ने बताइएको छ ।
आईओएस प्रयोगकर्ताका लागि भने यो सुविधा गत अक्टोबर महिनामै उपलब्ध भएको थियो ।
हाल एक्सको प्रिमियम संस्करण चलाउन न्यूनतम ३ डलर शुल्क तोकिएको छ । तर मासिक १६ डलरसम्म तिरेर प्रिमियम प्लससमेत चलाउन सकिन्छ ।
यो खबर पढेर तपाईलाई कस्तो महसुस भयो ?
प्रतिक्रिया