काठमाडौं – पछिल्लो समय अमेरिकी विद्युतीय कार निर्माता कम्पनी टेस्लाले भारतीय बजारमा लगानी गर्ने इच्छा देखाएको छ । भारतमा लगानी गर्ने विषयमा गत वर्ष भएको वार्ता असफल भएपनि हालै टेस्ला र भारत सरकारले यसबारे थप छलफल सुरु गरेका छन् ।
सन् २०२६ सम्म भारतमै विद्युतीय सवारीको उत्पादन सुरु गर्ने टेस्लाको लक्ष्य छ । अमेरिका–भारत रणनीतिक सहकार्य मञ्चका अध्यक्ष मुकेश अघि भारतमा टेस्ला उत्पादन कारखानाको स्थापना हुनु दुबै पक्षको हितमा रहेको बताउँछन् ।
उनका अनुसार यससँगै टेस्लाले भारतमा १ अर्ब ४० करोड सम्भावित ग्राहकको पहुँच पाउनेछ भने भारतले पनि स्वेदशमै चिप उत्पादन गरी आत्मनिर्भर बन्न सक्छ ।
त्यसअघि गत जुलाई महिनामा टेस्लाले भारतमै विद्युतीय सवारी उत्पादन गर्नेबारे विचार गरिरहेको समाचार सार्वजनिक भएको थियो । टेस्लाले हिन्द प्रशान्त क्षेत्रमा विद्युतीय कार निर्यात गर्नका लागि पनि भारतमा नै उत्पादन गर्न चाहेको बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया