कास्की– चलचित्र पत्रकार सङ्घ नेपाल, कास्कीको आयोजनामा सिक्लेसमा आजदेखि ‘सिनेमा संवाद’ हुँदै छ । कार्यक्रममा चलचित्र क्षेत्रमा देखिएका समस्या र समाधानका उपायबारे छलफल हुने छ ।
३ वटा सेसनमा हुने कार्यक्रममा सिनेमा र सरकारले यसअघि गरेका काम र भोलि गर्नुपर्ने काममाथि छलफल हुनेछ ।
छलफलमा चलचित्र विकास बोर्डका अध्यक्ष भुवन केसी, अभिनेत्री दिपाश्री निरौला र निर्देशक आकाश अधिकारीले प्रकाश सुवेदीसँग बहस गर्नेछन् ।
अर्को संवाद नेपाली सिनेमाको स्वादबारे हुनेछ । दिया मास्के, अनुप बराल र मनोज पण्डित सेसनमा रहनेछन्, त्यसको सहजीकरण सुरज सुवेदीले गर्छन् ।
यस्तै सिनेमा अनुभवबारे भुवन केसी र गौरी मल्लले आफ्ना विचार राख्नेछन् । सन्जोग बस्यालले उक्त सेसनलाई सहजीकरण गर्ने आयोजक चलचित्र पत्रकार सङ्घ कास्कीका अध्यक्ष प्रभु अधिकारीले जानकारी दिए ।
यो खबर पढेर तपाईलाई कस्तो महसुस भयो ?
प्रतिक्रिया