रुखबाट लडेर महिलाको मृत्यु

काठमाडौँ – रुखबाट लडेर दाङको तुलसीपुर–१३ बखरियाकी एक महिलाको मृत्यु भएको छ । 

शनिबार बेलुका घर नजिकैको जङ्गलमा रुखबाट लडेर ६५ वर्षीय शितली कुसारीको मृत्यु भएको उनकी जेठी बुहारी पवित्रा कुसारीले जानकारी दिइन् । 

बेलुका ७ बजेतिर स्याउला काट्न भनी जङ्गल गएकी शितली अबेरसम्म घर नआएपछि परिवार र छिमेकी जङ्गल खोज्न जाँदा घाइते अवस्थामा फेला पारेको थियो । 

उनको तुलसीपुर सिटी अस्पतालमा सामान्य उपचारपछि थप उपचारका लागि नेपालगन्ज लैजाने तयारी गर्दैगर्दा मृत्यु भएको हो ।