काठमाडौँ– रामकृष्ण ढकाल र रानी शाक्यको स्वरमा रहेको गीत ‘म को हुँ’ रिलिज भएको छ ।
यो गीतमा रिमेश कुमारको सङ्गीत, जनक वाग्लेको शब्द छ । यस भिडियोमा वरिष्ठ कलाकार सरोज खनाल र नायिका शिल्पा पोखरेलको अभिनय हेर्न सकिन्छ ।
एक अर्काको हुन नसकेको पीडा यो गीतको भिडियोमा सरोज र शिल्पामा पोखिएको छ । कलाकार सरोज खनालले यो गीत र भिडियो आफ्ना लागि विशेष रहेको बताएका छन् ।
राम कुमार केसीको छायाङ्कन, विजेश पौडेलको सम्पादन रहेको यो गीतको भिडियोलाई रसरङ्ग मिडियाले तयार पारेको हो । भिडियोमा सुलोचना गौतम र सुशान्त ढकालको पनि अभिनय छ ।
यो खबर पढेर तपाईलाई कस्तो महसुस भयो ?
प्रतिक्रिया