काठमाडौँ – चन्द्र मिसन अन्तर्गतको जापानी रोबोट चन्द्र धरातलमा सफलतापूर्वक अवतरण गरेको छ । यसले जापानलाई पृथ्वीको प्राकृतिक भू–उपग्रहमा सफ्टल्याण्ड गर्ने पाँचौँ देश बनाएको छ ।
जापानको अन्तरिक्ष एजेन्सीका अनुसार स्मार्ट ल्यान्डर फर इन्भेस्टिगेटिङ मुन (स्लिम) भूमध्यवर्ती क्रेटर नजिकै चन्द्रमाको सतहमा अवतरण भएको हो ।
तर यसको सौर्य ऊर्जा प्रणालीको समस्याले मिसन भने खतरामा परेको छ । इन्जिनियरहरू अहिले मिसन बचाउन सङ्घर्ष गरिरहेका छन् ।
यसै महिना अमेरिकी निजी कम्पनी एस्ट्रोबोटिकको पेरेग्रिन चन्द्र ल्यान्डरले पनि उडान भरेको थियो । तर इन्धन चुहिएपछि उसको मिसन असफल भएको थियो ।
यसअघि भारत चन्द्रमाको दक्षिणी ध्रुवनजिकै मानवरहित यान अवतरण गराउने पहिलो देश बनेको थियो ।
यो खबर पढेर तपाईलाई कस्तो महसुस भयो ?
प्रतिक्रिया