काठमाडौँ – वरिष्ठ गायक तथा सङ्गीतकार योगेश वैद्यको बिहीबार निधन भएको छ ।
उनको ७७ वर्षको उमेरमा सुन्धारास्थित काठमाडौं भ्याली अस्पतालमा निधन भएको हो । उनको रातको १२ः३० मा निधन भएको बुझिएको छ ।
दिउँसो स्वास्थ्यमा केही समस्या देखिएको र राति अझ चापेपछि अस्पताल लाने क्रममै उनको निधन भएको परिवारले जनाएको हो ।
नेपाली गायन क्षेत्रमा थुप्रै सुपरहिट गीत दिएका वैद्यको ‘सपना भुलाई सारा, आँसु लिएर जाऊ, मेरो आँसुमा नहाँसे, नेपाल मेरो उपहार भो’ लगायतका गीत चर्चित छन् ।
उनी नेपाली र नेपाल दुवै भाषाका प्रतिष्ठित गायक र सङ्गीतकार हुन् ।
भर्खरै मात्रै उनलाई गंकी बसुन्धरा प्रतिष्ठानबाट प्रतिष्ठित ‘धुंस्वां सायमि सिरपाः’ प्रदान गरिएको थियो । त्यस कार्यक्रममा भने उनी आफैँ उपस्थिति हुन सकेका थिएनन् । तर भिडियो सन्देश भने दिएका थिए ।
शुक्रबार पशुपतिमा उनको अन्तिम संस्कार गरिने परिवारले जनाएको छ । उनका दुई छोरी र एक छोरा छन्
यो खबर पढेर तपाईलाई कस्तो महसुस भयो ?
प्रतिक्रिया