आज पनि वर्षा र हिमपातको सम्भावना,तराईमा हुस्सु र कुहिरो

काठमाडौँ – हाल कोसी र गण्डकी प्रदेशको पहाडी भू–भागमा आंशिक देखि साधरणतया बदली रही बाँकी भू–भागमा आंशिक बदली देखि मुख्यतया सफा रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । 

साथै  देशको तराईका अधिकांश भू–भागमा हुस्सु–कुहिरो लागेको छ।

पश्चिमी वायुको आंशिक प्रभावले दिउँसो कोसी, गण्डकी  र कर्णाली प्रदेशका पहाडी भू–भागमा साधरणतया बदली रहने महाशाखाले जनाएको छ । 

बाँकी भू–भागमा आंशिक बदली देखि मौसम मुख्यतया सफा रहनेछ भने देशका पहाडी  भू–भागका एक–दुई स्थानमा हल्का वर्षाको सम्भावना रहेको छ। 

महाशाखाका अनुसार कोशी, बागमती, गण्डकी र कर्णाली प्रदेशका उच्च पहाडी तथा हिमाली भू–भागका एक–दुई  स्थानमा हल्का हिमपातको सम्भावना रहेको छ। 

राती कोसी, गण्डकी र कर्णाली प्रदेशका पहाडी भू–भागमा साधरणतया बदली रही बाँकी भू–भागमा आंशिक बदली देखि मौसम मुख्यतया सफा रहनेछ। 

कोसी, बागमती,  गण्डकी र कर्णाली प्रदेशका उच्च पहाडी तथा हिमाली भू-भागका एक–दुई  स्थानमा भन हल्का हिमपातको सम्भावना छ।