चेक रिपब्लिक पठाइदिन्छु भन्दै ठगी गरेको आरोपमा विकास राई पक्राउ

काठमाडौं । प्रहरीले चेक रिपब्लिक पठाइदिन्छु भन्दै ठगी गरेको आरोपमा एक जनालाई पक्राउ गरेको छ । पक्राउ पर्नेमा मोरङ विराटनगर महानगरपालिका घर भई हाल काठमाडौंको बुढानिलकण्ठ स्थित हात्तिगौँडा बस्ने ३९ वर्षीय विकास राई रहेको प्रहरीले जनाएको छ ।

राईले दिवान गिरी समेतलाई वैदेशिक रोजगारीको लागि चेक रिपब्लिक पठाइदिन्छु त्यसको लागि प्रतिव्यक्ति १३ लाख रुपैयाँ लाग्छ र चेक रिपब्लिक पुगेपछि प्रतिष्ठित कम्पनीमा काम लगाइदिन्छु जहाँ मासिक १ लाख ८० हजार रुपैयाँ तलब हुन्छ भन्दै प्रलोभनमा पारी पीडितहरूबाट पटक पटक गरी १ लाख ८० हजार रुपैयाँ लिई सम्पर्क विहीन भई ठगी गरेको आरोपमा काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले राईको खोजतलास गर्ने क्रममा बिहीबार कलंकीबाट पक्राउ गरेको हो ।