काठमाडौँ– राष्ट्र बैङ्कका गभर्नर महाप्रसाद अधिकारीको नक्कली ह्वाटसएप आइडी बनाएर दुरुपयोग भएको पाईएको छ।
गभर्नर अधिकारीको नाम र फोटो दुरुपयोग भएको भन्दै बैङ्कले नै एक सूचना जारी गर्दै यस सम्बन्धी जानकारी गराएको हो ।
बैङ्कका अनुसार उक्त नक्कली अकाउन्ट ९८१४४८६४४९ नम्बरबाट चलेको छ । त्यस नम्बरबाट खोलिएको अकाउन्टबाट विभिन्न व्यक्तिसँग संवाद भइरहेकाले सजग रहन बैङ्कले अनुरोध गरेको छ ।
सूचनामा भनिएको छ, यस बैङ्कका गभर्नर श्री महाप्रसाद अधिकारीको नाम र तस्बिर दुरुपयोग गरी ह्वाटसएप बनाएर विभिन्न व्यक्तिसँग संवाद गरेको पाइएकोले यसप्रति सजग रहन सम्बन्धित सबै सरोकारवाला र सर्वसाधारणमा अनुरोध छ ।
गभर्नर अधिकारीको नाम र फोटो कसले दुरुपयोग गर्यो भन्ने विषयमा थप अनुसन्धान अघि बढेको छ।
यो खबर पढेर तपाईलाई कस्तो महसुस भयो ?
प्रतिक्रिया