काठमाडौं– अभिनेता विराज भट्टले निर्माण गर्ने फिल्म ‘१२ गाउँ’ मा विराजले आफ्ना जेठा छोरा समीर भट्टलाई डेब्यु गराउने भएका छन् ।
छोरालाई फिल्ममा डेब्यु गराउन लागेको समाचार बाहिरिएपछि विराजले सामाजिक सञ्जालमार्फत छोरा समीर भट्टको तस्वीर सार्वजनिक गर्दै यसबारेमा पुष्टि गरेका हुन् ।
२४ वर्षका विराजका छोरा हाल भारतको मुम्बईमा अभिनय र मार्सल आर्ट सिकिरहेका छन् ।
फिल्म ‘१२ गाउँ’ एक्सनप्रधान चलचित्र हुने बताइएको छ ।
यो फिल्ममा अरु कुन कलाकार रहनेछन् भन्ने खुलाइएको छैन । विराज आफैले पनि फिल्ममा अभिनय गर्ने कि नगर्नेबारे खुलाइएको छैन ।
विराज भट्ट नेपाली फिल्म क्षेत्रबाट केही समय हराए पनि उनका लाखौँ फ्यान छन् । साथै उनले भोजपुरी फिल्म उद्योगमा पनि ख्याती कमाएका छन् ।
यसअघि विराजले फिल्म ‘साङ्लो’ निर्देशन गरेका थिए । फिल्ममा उनको शीर्ष भूमिका थियो । उक्त फिल्ममा उनले निकिता चण्डकसँग रोमान्स गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया