खानपानमा ध्यान दिनुहोस्, यसरी हट्छ ग्यास्ट्रिक

भनिन्छ, नेपाली ग्यास्टिक रोग बिनाको कमै हुन्छ । हुन पनि खानपानमा ध्यान दिन नसक्दा ग्यास्टिकको संक्रमण पनि बढ्ने गर्दछ । यसको मुख्य कारण सन्तुलित खानपानमा ध्यान नदिनु।

हाम्रो पेटमा उत्पादन हुने एक किसिमको अम्ल उत्पादन हुन्छ । त्यसले खानालाई पचाउने गर्छ । खानपानमा अनियमितता हुँदा उत्पादन हुने अम्लको मात्रा बढी हुन्छ । जसले पेटमा भएका अन्य तन्तुलाई पनि जलाउने काम गर्छ । यो अवस्था नै ग्यास्ट्रिक हो ।
कसरी हुन्छ ?
खानपानमा गडबढी,
मसलेदार खाना,
फास्टफुड र जंकफुडको अत्यधिक सेवन
दीर्घ रोगका लागि प्रयोग गर्ने औषधी
दुखाई कम गर्न खाने पेन किलर औषधी
सुर्तीजन्य पदार्थ, लागुपदार्थ र मदिरा सेवन
पेट र खाद्यनलीको क्यान्सरले पनि ग्यास्ट्रिक हुन्छ ।

कसरी बच्ने ?
सबैभन्दा ठूलो उपाय खानपान व्यवस्थापन गर्नु नै हो,
समयमा खाने र सन्तुलित आहार खाने,
अत्यधिक चिल्लो, पिरो र अमिलो खानेकुरा नखाने
रक्सी, चुरोटजस्ता पदार्थको सेवन नगर्ने
चिकित्सकको सल्लाहमा मात्र पेनकिलर खाने