काठमाडौँ– इटालियन सिरीए फुटबलमा शीर्ष स्थानमा रहेको इन्टर मिलानले जीत हासिल गरेको छ ।
शनिबार राति भएको खेलमा इन्टरले मोन्जाविरुद्ध ५–१ को अन्तरले गोल गरेको हो । इन्टरलाई जीत हासिल गराउन हाकान लाउतारो मार्टिनेजले २–२ गोल गर्दा मार्कस थुरामले १ गोल गरेका थिए ।
यस्तै मोन्जाका लागि मोटियो प्रेसिनाले १ गोल फर्काए । १२ औँ मिनेटमा हाकानले पेनाल्टीमार्फत गोल गर्दै इन्टरलाई अग्रता दिलाएका थिए ।
खेल शुरु भएको १४ औँ मिनेटमा मार्टिनेजले गोल गरेपछि पहिलो हाफमा इन्टर मिलानले आफ्नो पकडमा राखेको थियो ।
यस्तै ६९ औँ मिनेटमा पेनाल्टीमार्फत मोन्जाका प्रेसिनाले गोल फर्काउँदै अन्तर ३–१ मा झारे । ८४ औँ मिनेटमा मार्टिनेजले पेनाल्टीमार्फत व्यक्तिगत दोस्रो गोल गरेका थिए ।
त्यसपछि ८८ औँ मिनेटमा थुरामले गोल गरेपछि इन्टर मिलान ५–१ को फराकिलो जित निकाल्न सफल भयो ।
यो खबर पढेर तपाईलाई कस्तो महसुस भयो ?
प्रतिक्रिया