काठमाडौं– तपाईंले चोरी भएका घटना फिल्ममा त पक्कै पनि देख्नुभयो होला । फिल्ममा चोरलाई निकै सजिलो हुने गरी ठूलो रकम चोरेको देखाइन्छ ।
आज भने हामीले संसारकै सबैभन्दा ठूलो डकैतीका बारेमा जानकारी दिन गइरहेका छौँ । एउटा यस्तो खबर बाहिर आएको थियो कि, जसलाई आश्चर्यकै रुपमा हेरिएको छ ।
सन् २००३ मा अमेरिकाले इराकमा हमला गर्ने योजना बनाएको थियो । मिलिट्री डटकमका अनुसार उक्त दिन संसारकै सबैभन्दा ठूलो चोरी भयो । त्यो दिन थियो मार्च १८ ।
कतिपयले भने यसलाई चोरी मान्दैनन् किनकि, यसलाई तत्कालीन राष्ट्रपति सद्दाम हुसेनको अधिकार पनि भनिन्छ ।
घटना के थियो भने केही व्यक्ति हातमा पर्ची लिएर इराकको सबैभन्दा ठूलो बैंक सेन्ट्रल बैंक अफ इराक गए । त्यहाँ उनीहरुले म्यानेजरलाई एक पर्ची दिए ।
पर्चीमा लेखिएको थियो, राष्ट्रपति चाहन्छन् कि अमेरिकाको हमला हुनुभन्दा पहिले देशको पैसा सुरक्षित स्थानमा राख्नुपर्छ । त्यो पत्र पाउनासाथ सबै बैंककर्मी छक्क परे । र, सोही अनुसार गरे ।
सबै पैसा ट्रकमा भेरेर लगियो । पैसा यति धेरै थियो कि, ट्रक नै कम भयो । त्यसपछि केही रकम बैंकमा नै छोडेर चोरहरु भागे ।
अर्को अचम्मको कुरा त के हो भने यो चोरी झण्डै पाँच घण्टा चलेको थियो । त्यहाँ चोरहरुले कुनै हतियार पनि प्रयोग गरेका थिएनन् ।
पछि सद्दाम हुसेनले आफूले यस्तो केही नभनेको प्रतिक्रिया दिए । त्यसपछि पो बल्ल चोरी भएको बाहिर आयो । तर, पर्ची लिएर आउने अरु कोही नभएर सद्दामका छोरा र उनका साथीहरु थिए ।
पछि हिसाब गर्दा झण्डै ८ करोडभन्दा बढी चोरिएको पाइयो । पछि अमेरिकाले सद्दामका ती छोरालाई पनि आक्रमण गरेर मारिदियो । त्यसपछि बाँकी पैसा कहाँ गयो भन्ने कसैलाई पनि थाहा भएन ।
यो खबर पढेर तपाईलाई कस्तो महसुस भयो ?
प्रतिक्रिया