काठमाडौँ– सन् २०२३ बलिउड अभिनेता शाहरुख खानका लागि अकल्पनीय रुपमा सफल रह्यो ।
एकै वर्ष तीन वटा फिल्म आयो । तीनै वटा फिल्मले गज्जब कमाइ गरे । २०२३ मा बलिउडले जति कमायो त्यसको आधा शाहरुखका फिल्मले कमाए ।
खबरका अनुसार शाहरुख आफ्नो नयाँ प्रोजेक्टका लागि निर्देशक विशाल भारद्वाजसँग छलफल गरिरहेका छन् ।
विशाल भारद्वाज कमबूल, ओमकारा, हैदर र कमीने जस्ता चर्चित फिल्मका निर्देशक हुन् । हालै मात्रै नेटफ्लिक्समा आएको उनको खुफिया फिल्मले निकै तारिफ कमाएको थियो ।
शाहरुखले आफ्नो नयाँ प्रोजेक्टका लागि विशालको फिल्म साइन गर्न थालेका छन् । शाहरुख आफ्नो फिल्म च्वाइसबाट आफ्नो दर्शकलाई सरप्राइज गर्न चाहन्छन् ।
सोही चाहनाअनुरुप उनले विशालको थ्रिलर फिल्ममा खेल्न लागेको बताइएको छ । शाहरुख र विशाल दुवै पक्षले यसबारे पुष्टि गरेका छैनन् ।
विशालले चेतन भगतको उपन्यास २ स्टेट्सलाई फिल्ममा उतार्ने बेलामा शाहरुखसँग कुरा गरेका थिए । तर फिल्मको शेटिङबारे दुईबिच मतभेद भयो ।
विशाल फिल्मलाई कलेजको पृष्ठभूमिमा बनाउन चाहन्थे । यो लभ स्टोरीको सेटिङ कुनै ठूलो बैंक होस् भन्ने चाहना शाहरुखको थियो । यही मतभेदका कारण फिल्म फाइनल भएन ।
पछि यसलाई अभिषेक बर्मनले निर्देशन गरे । अर्जुन कपुर र आलिया भट्टको जोडी रहेको फिल्म निकै हिट रह्यो ।
यो खबर पढेर तपाईलाई कस्तो महसुस भयो ?
प्रतिक्रिया