‘काँडेतार’ को च्यारिटी रोकिएपछि आक्रोशित नवल

काठमाडौँ – आफ्नो फिल्म ‘काँडेतार’लाई बीरगञ्जको हलमा च्यारिटी प्रदर्शनबाट रोक लगाएको भन्दै निर्माता, निर्देशक तथा अभिनेता नवल खड्का आक्रोशित भएका छन् ।

सामाजिक संजाल फेसबुकमा स्टाटस लेख्दै उनले पत्रकार सम्मेलनमार्फत यसबारे जानकारी गराउने उल्लेख गरेका हुन् । 

फिल्मलाई निर्धारित फागुन २५ गते नै देशव्यापी प्रदर्शन गर्ने योजना रहेको उनको भनाइ छ । उनले लेखेका छन् –  ‘किन ? के कारण ? कसरी ? कसले ? बीरगञ्जमा पुस २८ गते देशभक्तिपूर्ण चलचित्र ‘काँडेतार’को विशेष च्यारिटी शो हुनबाट रोक्यो ? यसको विस्तृत जानकारी प्रेस मिटमार्फत गराउने छौँ ।’

अघि उनी लेख्छन् – ‘हामीलाई थाहा छ कि हामीले हाम्रो राष्ट्रको हित र एकतालाई मजबुत पार्दै अगाडि बढ्नुको विकल्प छैन ।’

यसलाई देशभक्तिपूर्ण भावना सञ्चारित गर्ने अभियानमाथिको बाधा भनेको उनले यसबारे जनता सचेत हुन ढिला भइसकेको समेत उल्लेख गरेका छन्