काठमाडौँ – उडानका क्रममा विमानको हिस्सा अलग भएपछि अमेरिकाले उडानमा रोक लगाएको बोइङ ७३७ म्यास्क ९ मोडेलको प्राविधिक जाँच सकिएको छ ।
जाँचमा संलग्न प्राविधिकहरूले उक्त मोडेलका विमानका बोल्टहरु अझै अलिकति कस्नुपर्ने निष्कर्ष निकालेको हो ।
अलास्का एयरलाइन्सको विमान उडिरहेका बेला एक टुक्रा भाँचिएर अलग भएपछि अमेरिकाको संघीय उड्डयन प्रशासनले १७१ वटा विमानलाई प्राविधिक जाँच पूरा नहुन्जेल उडानमा रोक लगाउने निर्णय गरेको थियो ।
त्यसपछि युनाइटेड एयरलाइन्सको प्राविधिक टोलीले त्यो मोडेलका सबै विमानहरूको प्राविधिक जाँच गरेको थियो ।
सो टोलीले विमानहरू निरीक्षणको क्रममा बोल्टहरु अझै कस्नुपर्ने जरुरी देखिएको बताएको विविसीले जनाएको छ ।
साथै यो मोडेलका विमानहरूको डोर प्लगसँग सम्बन्धित इन्सटलेसनको समस्या पनि समाधान गरिएको समेत युनाइटेड एयरलाइन्सले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया