अभिनेत्री ईशा कोप्पिकरले छोडिन घर, कहिले भएको थियो सम्बन्ध विच्छेद ?

अभिनेत्री ईशा कोप्पिकरले श्रीमान टिमी नारंगसंग सम्बन्ध विच्छेद गरेकी छन् ।

विवाहको १४ बर्षपछि उनीहरू छुट्टिएका हुन् । सम्बन्ध विच्छेद पश्चात् ईशाले छोरी सहित घर छोडेको बताइएको छ । यता टिमीले भने डेढ बर्ष देखि यस विषयमा विचार गरिरहेको र गत नोभेम्बर मा नै सम्बन्ध विच्छेद भएको बताएका छन् ।

यो दुवै जनाको राजी खुसीमा भएको बताएका उनले अब दुवै जनालाई आफ्नो बाटो लाग्न सहज भएको प्रतिक्रिया दिएका छन् । यो ईशा कै इच्छा भएको समेत उनले बताएका छन् ।

यही कारण यो कुनै चर्चाको विषय नभएको र भर्खर सम्बन्ध विच्छेद भएजस्तो गर्न जरुरी नरहेको उनको भनाई छ । 

एक जिमको भेटपछि एका आपसमा नजिकिएका उनीहरूले २००९ मा विवाह गरेका थिए ।

ईशाले शाहरुख खानको ‘डन’,विवेक ओवराय स्टारर ‘क्या कुल हैँ हम’ र ‘कयामत’ जस्ता फिल्ममा काम गरेकी छिन् ।