काठमाडौं– भारतीय संगीतकार एआर रहमान म्युजिकको दुनियाँमा चर्चित नाम हो । उनको संगीतले विश्वमै तहल्का मच्चाएको छ ।
एउटा यस्तो पनि समय थियो, त्यतिबेला एआर रहमानसँग धेरै पैसा थिएन । पहिलो गीतका लागि उनले जम्मा २५ हजार भारु पाएका थिए ।
आज उनी करोडौँका मालिक हुन् ।
एआर रहमान अहिले भारतका सबैभन्दा महंगा संगीतकार हुन् । पहिले उनले विज्ञापनमा जिंगल बनाउने काम गर्थे । त्यसपछि उनको भाग्य चम्कियो ।
संगीतमा उनले यस्ता गीत दिए, जुन सुपरहिट भए । फिल्म ‘रोजा’ मा संगीत दिएर उनले २५ हजार भारु पाएका थिए ।
भारतीय मिडियाका अनुसार आजभोलि उनले एउटा फिल्मका लागि भारतीय रुपैयाँ ८ करोडसम्म पारिश्रमिक लिन्छन् । उनी अहिले २ हजार करोडका मालिक हुन् ।
अस्कर विजेता एआर रहमानको चेन्नईका अलावा अमेरिकाको लस एन्जलसमा पनि अपार्टमेन्ट छ ।
उनले अहिले १ देखि २ घण्टाको स्टेज कार्यक्रमका लागि २ करोडसम्म पारिश्रमिक लिने गर्छन् । उनको कुल कमाइ भारतीय रुपैयाँ २ हजार ३ सय ३० करोड रहेको भारतीय मिडियाहरुले उल्लेख गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया