तपाईँलाई स्याउ मीठो लाग्छ की लाग्दैन ?
यदि लाग्दैन भने पनि खाने गर्नुस् । किनकि स्याउ मानव स्वास्थ्यको लागी धरै नै लाभदायक फल हो । धेरै पर्दैन दैनिक एउटा मात्र स्याउ सेवन गर्नुभयो भने तपाई निकै निरोगी बन्नुहुनेछ ।
स्याउ खानेलाई मुटुको रोग लाग्ने सम्भावना कम हुन्छ । स्याउ हाम्रो स्वास्थ्यको लागी एकदम गुणकारी छ । यसमा हाम्रो शरीरका लागि आवश्यक पर्ने विभिन्न पोषक तत्त्वहरू रहेका हुन्छन् ।
स्याउलाई केही मानिस बोक्रासहित खान रुचाउँछन् भने केहीले बोक्रा फालेर खान रुचाउँछन् । स्याउका फाइदा धेरै छन् । अझ बहानै खाली पेटमा स्याउ खानु निकै स्वस्थ्यकर मानिन्छ ।
यस्ता छन् दिनहुँ स्याउ खानुका फाइदाहरू :
–दैनिक स्याउ खानेको शरीरमा कोलेस्ट्रोलको मात्रा कम हुन्छ । रगतमा सुगरको मात्रा सन्तुलनमा हुने ,फोक्सो स्वस्थ हुनेजस्ता फाइदा हुन्छन् ।
–नियमित स्याउ खादा क्यान्सर हुने सम्भावना पनि कम हुन्छ ।
–स्याउ सेवनले सेतो र स्वस्थ दाँत बनाउँदछ । स्याउ चपाउँदा र टोक्दा निस्कने र्यालले दाँत सड्नबाट ब्याक्टेरियाको सङ्ख्या घटाउँछ ।
–हरेक दिन एक दाना स्याउ खानाले मानिसमा टाइप २ डायबिटिज हुने सम्भावना २८ प्रतिशतले कम हुन्छ ।
–स्याउमा भएको फाइबरले झाडापखाला नियन्त्रण गर्छ ।
–स्याउमा पाइने धेरै फाइबर र कम क्यालोरीले शरीरको तौल नियन्त्रण गर्न सहयोग गर्दछ ।
–यसको सेवनले थकान कम गर्छ र छाला मुलायम बनाउँछ ।
–स्याउमा आइरनको मात्रा प्रशस्तै हुन्छ । जसले रगत सफा गर्ने तथा शरीरका लागि पर्याप्त मात्रामा आइरन उत्पादन गर्ने काम गर्दछ ।
–बिहान खाली पेटमा खाँदा मुटुलाई फाइदा गर्छ ।
यो खबर पढेर तपाईलाई कस्तो महसुस भयो ?
प्रतिक्रिया