काठमाडौं । अमेरिकी अन्तरिक्ष नियोग नासाले सन् २०२४ को ‘मुन मिसन’का लागि के-पप ब्याण्ड बीटीएसका तीन गीत छनोट गरेको छ ।
समाचार एजेन्सी बीबीसीका अनुसार तीन गीतमा आरएमको सोलो गीत ‘मुन चाइल्ड’ पनि छनाेट भएकाे छ । जसको गीत चन्द्रमामा प्रक्षेपण गरिने यानमा बजाइनेछ । यसरी गीत बजाइने उनी के–पपका एक्ला गायक बनेका छन् ।
नासाले उक्त गीतलाई अन्तरिक्षमा चन्द्रमा मिसनको क्रममा बजाउनेछ । नासाले एपोलो ११ को ५० औं वर्षगाँठमा आगामी मुन मिसन थाल्दैछ ।
यो प्ले–लिस्टमा बीटीएसको अर्को हिट गीत ‘मिक्रोकसमस’ र ‘१३४३४०’ पनि सामेल छन् । आफ्नो चन्द्रमा मिसनको तयारीमा रहेको नासाले लामो यात्रामा बजाउने विशेष प्लेलिस्ट ‘मुन ट्युन्स’ तयार गरेको छ ।
गायक आरएम र बीटीएससँग नासा जोडिने खबर पाएपछि फ्यानले यो लोकप्रिय दक्षिण कोरियाली ब्याण्डलाई बधाई दिएका छन् । उनीहरुले आफूलाई ब्याण्डप्रति गर्व रहेको बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया