काठमाडौं– बलिउडमा निर्माण हुन लागेको फिल्म ‘आशिकी ३’ कार्तिक आर्यन र तृप्ती डिम्रीको जोडी देखिने भएको छ ।
भुषण कुमार, अनुराग बसु र कार्तिक आर्यनले सहकार्य गर्न लागेको यो फिल्ममा ‘एनिमल’ फिल्मबाट एकाएक चर्चामा आएकी तृप्तीले लिड रोलमा अभिनय गर्ने भएकी हुन् ।
रणविर कपूर अभिनित फिल्म ‘एनिमल’ रिलिज भएपछि तृप्तीलाई राष्ट्रिय क्रस भन्न थालिएको छ । यसैबीच ठूलो पर्दामा दर्शकले कार्तिक र तृप्तीको जोडी देख्न पाउने भएका हुन् ।
अनुराग बसुले निर्देशन गर्ने यो फिल्म सन् २०२४ मा छायांकनमा जाने भारतीय मिडियाले लेखेका छन् ।
यो खबर पढेर तपाईलाई कस्तो महसुस भयो ?
प्रतिक्रिया